"Бизнестегі сыбайлас жемқорлыққа қарсы іс-қимыл" онлайн-курсы
Бұл курс не туралы және кім үшін?
Курсты қалай тиімді өтуге және пайдалануға болады?
Курс туралы жалпы теориялық ақпарат, оның қалай жұмыс істейтіні, курс логикасы және оқыту әдістемесі
Практикалық тапсырмалары қалай өту керек және олар не үшін қажет?
Сертификат алу ережелері
Қош келдіңіздер! “Бизнестегі сыбайлас жемқорлыққа қарсы іс-қимыл” онлайн-курсы компания басшыларына, заңгерлерге, комплаенс офицерлеріне, сондай-ақ ұйымдағы сыбайлас жемқорлыққа қарсы комплаенс мәселелерімен айналысатындардың барлығына арналған. Бұл курс Халықаралық сыбайлас жемқорлыққа қарсы стандарттарға және қазақстандық сыбайлас жемқорлыққа қарсы заңнамаға негізделген.
Курс нұсқаулығымен мына сілтеме арқылы арқылы танысуға болады:
Бұл курс ұйымдағы сыбайлас жемқорлыққа қалай тиімді қарсы тұру, сыбайлас жемқорлыққа қарсы заңнаманың барлық талаптарын қалай сақтау, сыбайлас жемқорлық пен Парасыз таза бизнес жүргізетін компанияның беделін қалай құру және қолдау туралы.
Курстың логикасы өте түсінікті және 3 модуль мен 15 сабақтан тұрады:
1-МОДУЛЬ. Сыбайлас жемқорлық және сыбайлас жемқорлыққа қарсы күрес туралы негізгі білім
1. Сыбайлас жемқорлық дегеніміз не? Түрлері, формалары, шығу теориялары, оның қоғамға, бизнеске, мемлекетке тигізетін зияны. Сыбайлас жемқорлықтың жаңа түрлері. Сыбайлас жемқорлыққа қарсы іс-қимыл дегеніміз не? Сыбайлас жемқорлыққа қарсы күрестің ең тиімді әдістері мен стратегиялары
2. Сыбайлас жемқорлыққа қарсы халықаралық стандарттар: конвенциялар, міндеттемелер және ұсынымдар
3. Қазақстанның сыбайлас жемқорлыққа қарсы ұлттық заңнамасы: заңдар, басқа да НҚА және оларды қолдану практикасы
4. Сыбайлас жемқорлық біздің өмірімізде неліктен сақталуда? Сыбайлас жемқорлық мінез-құлқының себептері
2-МОДУЛЬ. Квазимемлекеттік сектор мен жеке бизнес үшін сыбайлас жемқорлыққа қарсы комплаенс – А-дан Я-ға дейін
5. Сыбайлас жемқорлыққа қарсы комплаенс-қызметі: міндеттері, функциялары, құзыреттері
6. Сыбайлас жемқорлыққа қарсы тиімді бағдарламаны жүргізудегі компания басшысының рөлі
7. Ұйымдағы сыбайлас жемқорлық тәуекелдерін ішкі бағалау
8. Ұйымдардағы мүдделер қақтығысын басқару
9. Корпоративтік этика қағидаларын ілгерлету
10. Ұйымның серіктестері мен контрагенттерін сыбайлас жемқорлыққа қарсы тексеру және шектеу
11. Ұйымның демеушілік, сыйлықтар, қонақжайлылық саясаты
12. Компания қызметкерлерін сыбайлас жемқорлыққа қарсы оқыту және ақпараттандыру
13. Жұмыс орнындағы сыбайлас жемқорлық және басқа да бұзушылықтар туралы ақпаратты ашатын компания қызметкерлерін – ақпарат берушілерді қорғау
3-МОДУЛЬ. Сыбайлас жемқорлық үшін жауапкершілік
14. Сыбайлас жемқорлық фактілерін ішкі тергеу
15. Сыбайлас жемқорлық құқық бұзушылықтар мен қылмыстар жасағаны үшін жауапкершілік – тәртіптік, әкімшілік, қылмыстық
Теориялық ақпарат алу арқылы сіз оны практикалық тапсырманы орындау немесе практикалық кейстерді (тапсырмаларды) талдау арқылы тексере аласыз. Біз сондай-ақ компанияңыздағы немесе ұйымыңыздағы сыбайлас жемқорлыққа қарсы сәйкестіктің жай-күйін тексеру үшін өзін-өзі тексеру тесттері мен тексеру чек-листтерін ұсынамыз.
Практикалық тапсырмалар мен тесттер бола ма? Олардың күрделілігі қандай?
Бұл туралы алаңдамаңыз, практикалық тапсырмалар нақты оқиғаларға негізделген және тек белгілі бір сабақтың теориялық материалын игеруді қажет етеді. Бірақ алған білімімізді өз қызметіңізде, ұйымыңызда бірден қолдануға кеңес береміз. Бұл біздің еліміздегі сыбайлас жемқорлыққа қарсы күреске қосқан үлкен үлесіміз болады.
Барлық практикалық тапсырмалар мен тест тапсыруым керек пе?
Онлайн курс өз бетімен білім алу тәртіптемесінде жобаланған. Әрбір келесі сабаққа қол жетімділік әр сабақтың тапсырмасынан өткеннен кейін ашылады. Дегенмен, осы онлайн курстан өту туралы сертификат алудың бірнеше ережелері бар:
1-ереже. Барлық сабақтардың барлық теориялық бөлігі аяқталуы керек, яғни – презентациялар қаралды, транскриптер оқылды.
2-ереже. Әр сабақтың тест тапсырмалары өтілуі керек.
3-ереже. Қорытынды тесттен өтудің ең төменгі шегі-50%.
Сіз осы курстан өткені туралы сертификат, сіздің тіркеу кезінде тркелген электрондық поштаңызға жіберіледі.
Тіркеуден кейін және курстың барлық кезеңінде сізге қандай курс материалдары қол жетімді болады?
Әр сабақта презентациялар мен сабақтар тақырыбының жазбаша, егжей-тегжейлі транскрипті (сипаттамасы) және оның негізгі тұжырымдары, ұсыныстары бар. Сізге жұмысыңызға көмектесетін құжат шаблондарын жүктеп алуға және пайдалануға болады. Сабақ материалдарында сізге жұмыс істеуге, қызметкерлерді оқытуға, өз біліктілігін арттыруға пайдалы қажетті заңдар мен дереккөздердің тізімі берілген.
Бұл курстың авторлары кім?
Татьяна Сергеевна Зинович
“Құқықтық саясатты зерттеу орталығы” ҚҚ директорының міндеттерін атқарушы, “ЭЫДҰ стандарттарына сәйкес Қазақстанда іскерлік парасаттылықты арттыру мен корпоративтік басқаруды дамытудың жүйелі, құрылымдық және тиімді саясатын іске асыру” жобасының бас сарапшысы. Құқық магистрі. 2012 жылдан бастап ашықтық пен есеп беру, бизнесті жауапты жүргізу, іскерлік парасаттылық және адам құқықтары саласындағы тиісті тексеру мәселелеріне маманданған. Татьянаның басшылығымен Қазақстандағы мемлекеттік және жеке секторларда сыбайлас жемқорлыққа қарсы іс-қимыл мәселелері бойынша 15-тен астам ірі жоба іске асырылды.
“Комплаенс қызметтерінің қызметкерлерін оқыту – бұл сыбайлас жемқорлыққа қарсы ведомство , кәсіптік қауымдастықтар мен талдау орталықтары жүргізетін жалпы және кешенді жұмыстың бір бөлігі. Біз еліміздегі сыбайлас жемқорлыққа қарсы комплаенс мәселелері бойынша білімге өз үлесімізді қосуға қуаныштымыз. Курсты сәтті өтуіңізге тілектеспін!”
Денис Яковлевич Примаков
з.ғ.к., комплаенс мәселелері бойынша халықаралық сарапшы және практик. Халықаралық компанияларда комплаенсты дамытудың мол тәжірибесі бар. “Комплаенстің арнайы түрлері: сыбайлас жемқорлыққа қарсы, банктік және санкциялық комплаенс” монографиясының авторы (М.: Infotropic Media) 2019.
“Бұл курс комплаенстың жаңа саласына жақсы кіріспе болады және жаңа мамандықтың көптеген аспектілерін шарлауға көмектеседі деп үміттенемін”
Ольга Александровна Диденко
құқық, сыбайлас жемқорлыққа қарсы мәселелер жөніндегі консультант, сыбайлас жемқорлыққа қарсы іс-қимыл саласындағы магистр, LLM, “ЭЫДҰ стандарттарына сәйкес Қазақстанда іскерлік парасаттылықты арттыру мен корпоративтік басқаруды дамытудың жүйелі, құрылымдық және тиімді саясатын іске асыру”жобасының консультанты.
“Оқыту арқылы алынған білім тәжірибеде пайдалы болады деп сенемін. Ал біздің елімізде сыбайлас жемқорлықтың алдын алудың жаңа әдістерін қолдану біздің өміріміздің барлық салаларында сыбайлас жемқорлық көріністеріне төзбеушілік мәдениетін дамытуға алып келеді деп үміттенемін.”
Лилия Амангельдиевна Испенбетова
кейстерді әзірлеуші, тәуелсіз сарапшы-талдаушы, сыбайлас жемқорлыққа қарсы сараптама және комплаенс бойынша жаттықтырушы, аспирант, М. С. Нәрікбаев атындағы КАЗГЮУ Университетінің аға дәріскері. “ADAL BILIM” жобалық кеңсесінің бұрынғы сарапшысы, Сыбайлас жемқорлыққа қарсы іс-қимыл жобалық кеңсесінің бұрынғы басшысы, ҚР Әділет министрінің кеңесшісі.
“Курс ұйымдардың бизнес-процестерінде комплаенс-бақылаудың тиімділігін арттыруға және сыбайлас жемқорлық тәуекелдерінің алдын алуға бағытталған өзекті, тәжірибеге бағдарланған материалдар мен кейстерді көздейді. Курс аясында тыңдаушылардың теориялық білімдерін ғана емес, сонымен қатар оларды бизнес субъектілерінің тәжірибесінде туындайтын әртүрлі жағдайларда қолдану дағдыларын бағалайтын кейстер әзірленді”
Аяжан Қуанышқызы Ойрат
халықаралық заңгер, халықаралық коммерциялық және бизнес құқығындағында LLM, “Құқықтық саясатты зерттеу орталығы” ҚҚ-ның өңірлік директоры. Қазақ тіліндегі бейне сабақтар Аяжанмен дауысталды.
“Біз курсты екі тілде ұсынуға аса қуаныштымыз. Және дайындаған ақпаратқа Қазақстанның барлық комплаенс офицері қол жеткізе алады деп үміттенеміз. Екі тілде дайындалған ақпараттың сапасы жоғары болуы үшін, мен үшін курстың әдістемесімен жұмыс істеу өте маңызды болды. Осы тапсырманы орындадық деп үміттенеміз”.
Бұл курстың іске асуын кім қолдады?
Siemens компаниясы 100 миллион АҚШ долларынан асатын Siemens Integrity Initiative жаһандық бастамасын іске қосты. Олар сыбайлас жемқорлық пен алаяқтықпен күресетін ұйымдарды ұжымдық іс-қимыл, білім беру және оқыту арқылы қолдайды.
Осы бастама шеңберінде “Kazakhstan Bar Association” Заң консультанттар палатасы “Құқықтық саясатты зерттеу орталығы” ҚҚ серіктестігімен 2020 – 2023 жылдар ішінде “ЭЫДҰ (OECD) стандарттарына сәйкес Қазақстанда іскерлік ар-ұяттылықты арттырудың және корпоративтік басқаруды дамытудың жүйелі, құрылымдалған және тиімді саясатын іске асыру” жобасын іске асырды. Курс жобаның негізгі элементі болып табылады.
Сонымен, қош келдіңіз және сәттілік! Біз бірге және бірлесе сыбайлас жемқорлықпен тиімді күресуге болатынына сенеміз!
